#عاجل_عاجل
تم فتح قناة ذوي الشهداء للطلبة الجدد الدراسة الصباحية خريجين هاي السنة
رابط القناة
https://central.dirasat-gate.org/shuhadaa.php
ألية التقديم على الامتيازات فارق ال 5 للطبية و ال 7 درجات لبقية الكليات
- أول خطوة تستلمون الرمز السري من المدرسة بعدها تسوون ألكم مسودة بالبيت تختارون كليات على رغبتكم و حسب معدلكم
احيائي و تطبيقي تختارون 40 كلية و 10 معاهد
الادبي تختارون 25 كلية و 10 معاهد
تنزلون الحدود و دليل الطالب
تبدون تختارون الكليات مثلا اذا كلية بحدود الدنيا مال ذوي الشهداء تقبل معدل 82 و الطالب معدله 80 هم خل يختارها بالبداية و تنزلون تنازلي لحد معدل 78 يعني تختارون الكليات الي تقبل من معدل 82 الى معدل 78 تختارون 50 اختيار تنازلي
يعني تختارون الكليات من الاعلى للادنى و حسب رغبتكم
الخطوة الثانية تروحون ل ابو المكتبة تنطونه المسودة و تگولون اله قدم النا ع قناة ذوي الشهداء رابطها فوگ ☝️ف راح يفتح القناة تطلع يمه الفئات تختارون الفئة مالت الشهيد مالتكم ارهاب او حشد او بائد ركزوا على هالفقرة بأختيار فئة الشهيد بعدها يترس الكم الانسيابية
لا تخلون ابو المكتبة يختار من كيفة أو يگول الكم هاي كلية هيج و مدري شنو معليكم بي انتم رغبتكم أهم ابو المكتبة خلو بس يترس الكم الاستمارة لان العام هواي جماعة المكاتب خربطوا عالطلاب و صارت اخطاء من المكاتب لان ميعرفون تعليمات تقديمات ذوي الشهداء بعدها يرسل الاستمارة و ينطيكم نسخة منها
بعدها تودون هاي النسخة ( الانسيابية) الى مؤسسة الشهداء مع مستمسكاتكم ( جنسية الطالب + شهادة جنسية + بطاقة سكن + صورتين + شهادة وفاة للي شهيدهم ارهاب) بالمؤسسة يستلموهن منكم و ينطوكم تعهد تبصمون عليه و هذا هو ترجعون للبيت و تنتظرون القبولات
جماعة الدور الثاني تكدرون هسه تقدمون و تكدرون بعد الامتحان
تقدرون مثلا معدلكم شكد تختارون الكليات الى اعلى من المعدل الي قدرتوا و تنزلون تنازلي للادنى و تكدرون بعد الامتحان هم تقدمون لان يوم 17/11/2020 ما ينسد التقديم يتمدد بعد اسبوع
الي قدم و ما راضي بتقديمه يگدر يعدل التقديم لمره واحدة فقط لذلك ركزوا و لا تستعجلون بالتقديم ابد ،
..
