#اذا_رحت_تستلم_راتب_وطلعلك_مرفوض
شنووو راح تسوي بهاي الحالة !!!
|| اول شي تروح تحدث بياناتك عن طريق مكاتب الأنترنت وبعد ما راح اتحدث بياناتك تنتضر 48 ساعة ويرجع راتبك يعني ما عندك مشكلة مجرد تحديث. زين شلون اتحدث العملية سهلة جدا تروح لأقرب مكتب انترنت موجود في منطقتك وتاخذ الكي كارد ورقم هاتفك ومعلومات بسيطة عن عنوان سكنك الحالي.
|| زين اذا رحت حدثت وما رجع راتبك أو ابو المكتب كلك انت ما مطالب تحديث الأن زين ابو المكتب شلون عرف اني ما مطالب تحديث. بسيطة لأن اكيد استمارة التحديث الخاصة بك ما انفتحت لهذا هو عرف انت غير مطالب الأن بالتحديث يعني مشكلتك مو مشكلة تحديث بهاي الحالة شنوو راح اتسوي . بهاي الحالة تروح تراجع الدائرة الموجودة في محافظتك لمعرفة وبيان وسبب انقطاع راتبك وبذلك كدرت تعرف السبب وترجع راتبك.
|| اما اسباب انقطاع الراتب وكما ذكرتها في منشور سابق صار اكثر من شهرين من وضحت اسباب انقطاع الراتب واللي امتابعني بشكل مستمر يعرف جيدا اني ذاكرها مسبقا لكن مع ذلك راح اعيد توضيحها بهذا المنشور .
|| من اسباب انقطاع الراتب بالنسبة لمستفيدي الرعاية الأجتماعية هي الأتي
1- السبب الأول : السيارة يعني اذا كانت بأسمك سيارة راح ينقطع راتبك حتى وان كنت بايعها لكن باقيه السيارة بأسمك يعني ممحولها للشخص المشتري. وهنا يكون الأنقطاع دائمي.
2- السبب الثاني : يوجد لديك راتب تتقاضاه من وزارة او دائرة حكومية اخرى وهنا تعتبر انت غير مستحق لكونك ليس عاطلآ عن العمل او ما شابه ذلك وتستلم راتبا من جهة اخرى وهذا امر مرفوض لكون الكثير من العوائل لا تمتك اي راتب وتعيش في حالات مأساوية جدااا فهي تعتبر الأولى بهذا الراتب. وهنا يكون الأنقطاع دائمي ايضا.
3- السبب الثالث : البحث السنوي وأقصد زيارة الباحث الأجتماعي لبيتك ومعرفة اوضاعك المادية والمعيشية في حال كانت حالتك الأجتماعية جيدة في هذه الحالة سيتم اتخاذ اجراء بحقك وهو ايقاف راتبك. وهنا يكون الأنقطاع دائمي ايضا.
4- السبب الرابع : عدم تحديث البيانات الخاصة بك كمستفيد من الرعاية الأجتماعية. هنا يكون الأنقطاع مؤقت
لمجرد ما تحدث بياناتك راح ينعاد راتبك وبدون مشاكل.
#هذا_توضيح_مختصر_لمن_سألني_حول_هذا_الموضوع