الاجراءات المطلوبة لنقل النفوس وتغيير الاسماء والالقاب
بعد ظهور الاسم وحصول الموافقة اليكم الاجراءات التي يجب اتباعها من اجل نقل النفوس او تغير الاسماء والالقاب.
اهلا متابعي موقع ميس سات اخبار ننقل لكم الاجراءات داخل مديرية الاحوال المدنية والجوازت قرب جسر السنك.
الاجراءات نقل النفوس كما موضحة ادناه بالتفصيل
اولا لازم تسحب الصورة الي ظاهر بيها اسمك وكما موضح ادناه
ومثل ما مكتوب في الصورة رقم الوجبة بعد ظهور الاسم حاول تتاخر سبوع او او اقل ومن بعدها تراجع بغداد علمود كتاب يوصل مال نقل يم جسر السنك راح احدد الكم مكان بالضبط والاجراءات داخل المديرية.
اخوان الدائرة يم قبل لاتصعد جسر السنك تنزل يم الجسر وتروح من جوه الجسر ع ايدك اليسار وتسئل هناك يدلونك وطبعا هي صايره مقابيل محل اسمه مشمشه تروح تدخل استعلامات.
وشوفهم كتاب من بعدها اول ما تدخل امامك درج ماتصعده اكو غرفة على يسار تدخل بيها امامك باب مكتوب متابعة تروح كبل على المتابعة تطينهم الورقة الي بيها اسمك راح يقره رقم كتاب اذا وصلهم راح يكلك انتظر اطبع الكتاب.
تنتظر نص ساعة واذا كتاب مطبوع يمهم ما تنتظر تاخذ كتاب وتروح غرفة العميد تصعد الدرج على ايدك اليسار تدخل مو اول غرفة ثانية غرفة عميد خالد يوقع الكتاب ومن بعدها ترجع نفس مكان على الصادرة اول ماتدخل ع ايدك اليمين اول غرفة.
تكمل الصادر وترجع للعقيد يطلب منك بطاقة او جنسية استنساخ والاصلية وياخذ منك فقط استنساخ واذا محافظات يكلك صور الكتاب تصورة ومن بعدها يكلك روح بعد يوصلك الكتاب بيد المعتمد يعني بالبريد بعد تنتظر شوكت يوصل الله اعلم هاي كل الاجراءات داخل مديرية الاحوال قرب جسر السنك ومن يوصل كتابي ابلغكم بتفاصيل تحياتي.
اما تغيير الاسماء والالقاب فماعرف بس اعتقد نفس شي